انا وياك قصايد شوق مختاله

أحبك كلمة قبلي وقبلك قالها العشاق
وانا وياك قلناها قصايد شوق مختاله

مع حروف الوفا تشرب معانيها من الاعماق
وعلى نهر الغلا صارت زهور اشواق مياله

ياأول من سكن قلب القصيد وحرك الاشواق
ياأول من غدى احساسي مع الابيات مرساله

سكنت بداخلي حتى غديت النبض للخفاق
عطيتك من وفا روحي غمرتك باطهر اشكاله

احبك حب لو قلته تضيق بلفظه الافاق
احبك حب ماحبه سواي ولا احد قاله

احبك كثر مايشرق بعد ليل يجيني اشراق
احبك كثر مايبدا خفوقي عنك سؤاله

احبك كثر ماعانق نزيف اقلامي الاوراق
احبك يابعد عمري غلاك القلب مدهاله

احبك لو زعل غالي عساه ان صد بالطقاق
انا ماهمني غيرك وحبك زاد منزاله

مادام انك معي وافي تسلي خاطري لاضاق
ونيس لابتدا ليل يهز الروح بقباله

احبك كلمة حلوه ابد ماقالها العشاق
اترجمها من احساسي قصايد حب مختاله

صح لسان الشاعر

ولاهنتي يالغلا

تقبلي مروري