رحلْـٍـٍهٍ جوْيـٍـٍه مع الكبـٍْن شْـقـاويِ (( أمحق كبتن ))

الـسلآم عليـــكم

كيفكم انشاء الله تمام


يسّعـدٍ ليٍ صبـٍآحـٍكمٍ جميـٍعٍْ

أعزآئي الركآب الرجـٍاء ربـٍط الأحزٍمهٍـ والجـٍلوس عـٍلى الزوليـه (( فرشـٍه ))


شروط الصعودٍ إلى الطآئرهـٍ

1/ أن تجي وفرشتك معك .

2/أن يكون معك مركا علشان كبار السن يأخذون راحتهم وهم يتكون .

3/أنك تجي ومعك بريالين خبزٍ أبيض _ يستحسن أن يكون خبز لبناني

4/ أنك تجي ومعك شطرطون ,, أقولكم السبب علشان الورعان الي يصايحون نلصق على فمهم شطرطون هذا إذا ما نطلته مع الطياره

5/ محدٍ يركب الطيآرهـٍ الا ببخشيش ,, أقولكم مثل وشو البخشيش ,, يعني ريالين ونص ولازم النص يجي قبل الريالين أو حلاو بقر

الحين أقولكم مميزات الطياره طبعآ الطياره عربيه ((( عربيـــــه ))) وتقدرون تقولون فيها من تراثيه يعني مميزاتها قديمه لكن روعه

شكلها روعه طبعآ

1/ طياره لها جناحين طبعآ الجناح الأول سليم ما فيه أي عاههـ الجنآح الثآني ملصقينه بشطرطون بس ما ينفك لحد يخاف

2/فيه درجات طبعآ أقولكم مميزات كل درجـٍهـ (( الدرجه الأولى ))

الدرجه الأولى يالربع أول شي أكل وشرب خااص تتكون الدرجه الأولى من جلسه عربيه فيها أربع مراكي للأكباريه

وطبعآ جايب لكم واحد خاال علشان يصب لهم القهوهـٍ أقولكم وشو مأكولات الدرجه الأولى

الفطـٍـٍورٍ / صحـٍن مقلقل مع كاسه شاهي أحمر مع خبز لبناني

الغداء / صحـٍـٍن رز بخاري مع رجل دجاجهٍـ ,, وأحمدو ربكم

العشـٍـٍاء / سندوتشات بيض مقلي ,, وفيه بيض عيون واختارو الي تبون عاد



الدرجه السيـٍـٍاحيهـٍ :-

طبعآ الدرجه السياحيه جلسه عربيه بس بدون مراكي يعني ما فيه احد راح يتكي

مأكولات السياحيه

الفطور/ بيض مسلووق وخبز وحليب

الغداء / أندومي أدري أن خشومكم كلها فطس صااارت طياره أندنوسيه مو عربيه

العشـٍاء / مطبق وشاهي بدون سكر ,, السكر يعور تجلسون كل شوي رايحين جاين على الباثروم الله يكرمكم من ناحيه رايحين جايين فـ والله خذو حسابكم


ونسي أقولكم ترى البض له شهور شريته ومحد كلاه قلت أعطيكم هو

والمطبق ترى شفت لي فار أمس ينقنق عليه

من ناحيه الأندومي ترى والله مافيه أي شي بس (( بس )) شفت لي جرذي يمر من عنده بس مدري عاد كلى منه

وبعد نسيت أقول تراني أنا الكبتن وترى قزاز الطياره مدري كيف جاي بس يمشي الحال

أقولكم على شي وما تنزلون من الطياره ترى الطياره تشتغل على ماطور مزرعه يعني يمكن في أي وقت نطيح بس أنا مأخذ احتياطي

وش سويت جاايب لكم أقمشه على شان اذا طحنا كل واحد يأخذ له قماش يمسكه من الجهتين يصير زي المظله


وسلآمتكم أتمنى أن تكون رحلـٍـٍه سعيدهـٍ وشيقه

<<<< يقول أيه هين أن جلس واحد فيهـٍم لا وبعد تبي بخشيش والله انك تبطي عظم